L’aprobación de la plusvalía nueva reactiva’l trámite presupuestariu

El Conseyu de Ministros dio’l preste al Impuestu sobre l’Incrementu de Valor de los Terrenos de Naturaleza Urbana nuevu, conocíu como la plusvalía, que sustitúi al anterior valtáu pol Tribunal Constitucional. Esti pasu permite al equipu de gobiernu a retomar el trámite p’aprobar el presupuestu municipal del 2022, evitando la prórroga.

Los 11,8 millones qu’ingresa’l Conceyu por esti tributu dexen de tar nel aire, y anque va ser necesario recalcular les previsiones, la cantidá definitiva nun variará muncho d’esa cantidá, según confirmó Marina Pineda. La conceyala de Facienda, Organización Municipal y Personal reconociera la posibilidá de dir a una prórroga presupuestaria nel casu de que’l Gobiernu estatal nun iguaran los puntos declaraos como anticonstitucionales, pero yá anunció que va siguir alantre.

Sicasí, va retrasase l’aprobación del borrador de les cuentes en xunta de gobiernu del martes al vienres 19. Les comparecencies quedaríen fixaes, poro, pal 22, 23 y 24, calteniéndose’l 22 d’avientu como día del Plenu nel que se va votar el presupuestu al cumplise col plazu llegal d’enmiendes.

Na semeya, Pineda.