El presupuestu municipal, pendiente polos 12 millones de la plusvalía

La sentencia del Tribunal Constitucional qu’anula l’Impuestu sobre l’Incrementu de Valor de los Terrenos de Naturaleza Urbana, conocida popularmente como plusvalía, afeutó los planes de tolos conceyos del Estáu colos sos presupuestos pal 2022. Nel casu de Xixón, que recauda 12 millones con esta tasa, abrióse la posibilidá d’una prórroga.

Dende l’equipu de gobiernu municipal, sicasí, son optimistes depués de la intención del Gobiernu estatal de buscar una solución al traviés d’una reforma del impuestu que salve los puntos declaraos inconstitucionales. Hai que tener en cuenta que la plusvalía ye la segunda fonte d’ingresos de los conceyos.

Nel casu de Xixón la recaudación algama los 12 millones d’euros. La falta d’esta cantidá provocaría un desaxuste importante nes cuentes previstes pa esti añu, con borrador que se contaba aprobar na xunta de gobiernu del día 16.

Na semeya, sede del Tribunal Constitucional, asitiada en Madrid.