Aprobóse’l proyeutu de presupuestos municipales pal añu 2022

La xunta de gobiernu yá aprobó’l proyeutu de presupuestos pal 2022 depués del retrasu que provocó la sentencia del Constitucional de la plusvalía. Sicasí, caltiénse la votación nel Plenu del día 22 d’avientu, con plazu d’enmiendes a les cuentes hasta’l 9.

El Conceyu tien una previsión d’ingresos de 247.072.534’25 euros depués de caltener el proyeutu presentáu como borrador con pequeños axustes. El presupuesto consolidáu, qu’inclúi los de les empreses municipales, asciende a la cantidad de 336.198.712’27 euros.

Finalmente la cantidá valorada de recaudación pol Impuestu sobre l’Incrementu de Valor de los Terrenos de Naturaleza Urbana nuevu, conocíu como plusvalía, baxa hasta 10,9 millones d’euros. Nun primer momentu prevíase 11,8 millones, pero la sentencia del Constitucional obligó al Gobiernu estatal a aprobar con rapidez un métodu nuevu de cálculu que salvase los puntos marcaos pol tribunal pa nun dexar a los conceyos ensin la so segunda fonte principal d’ingresos.