Elogio del Horizonte

Elogio del Horizonte

Mui criticada nel momentu de la so instalación, el ‘Elogio del Horizonte’ poco a poco foi faciendose un güecu como ún de los símbolos de Xixón, amás de nos llibros d’arte. La escultura asitiada no más alto de L’Atalaya ye una de les obres más reconocíes d’Eduardo Chillida y visita obligada pa los turistes que visiten la villa.

El 9 de xunu del 1990 foi la so inauguración, pero la so xestación diose muncho enantes, tanto por parte de Xixón como del artista. El Conceyu recuperaba nel 1982 el cerru pa la ciudadanía al mercalu al Ministeriu de Defensa nuna operación por 175 millones de pesetes qu’incluyía’l cuartel d’El Coto y la idea del arquiteutu Paco Pol, encargáu del plan pal llugar, yera coronar l’espaciu con una gran escultura.

Al empar, Chillida tenía en mente una escultura pa poner na mariña, nun primer momentu en Francia. Con Vicente Álvarez Areces como alcalde, al ponese en contautu dambes partes pa buscar una opción pa L’Atalaya, salió esta idea qu’encaxaba coles posibilidaes del cerru.

Nacía asina’l ‘Elogio del horizonte’, una figura de formigón de 10 metros d’altor y 500 tonelaes que tuvo un costu de 100 millones de pesetes, de los que 5 foron pal artista.

Contador Estadistiques