La Feria del Libro de Xixón torna a superar el récor de participación

El certame que tien llugar en xunu va contar con 57 casetes esti añu na so sesta edición.

La Feria del Libro de Xixón (FeLiX) nun apara de medrar. Si l'añu pasáu superó tolos sos rexistros con 52 espacios, nesta ocasión va disponer de 5 más dada la demanda.

Asina, el pasáu de Begoña y la cai Tomás y Valiente van acoyer 57 casetes nes que participen 24 llibreríes y 33 editoriales, amás d'instituciones. Ente elles van tar Cuatro Gotes, Delallama, Radagast, Trabe, Picu Urriellu, Impronta, Hoja de Lata, KRK, La Cruz, Pintar-pintar o Trea, que cuenten con títulos en llingua asturiana.

Los llectores van poder visitales del 16 al 19 de xunu, amás de poder acudir a numberoses presentaciones de llibros.