El Plenu de Xixón aprueba los presupuestos col votu de calidá de l’alcaldesa

Tres dos votaciones, gracies al votu de calidá de l’alcaldesa Ana González, el PSOE y Xixón pela Izquierda sacaron alantres les primeres cuentes de la llexislatura, que ponen puntu y final a dos periodos con prórroga presupuestaria. El Conceyu va contar con 233 millones d’euros, un 2,5 por cientu más que nel 2017.

Nun hebo sorpreses tres l’anunciada postura de Podemos-EQUO de prauticar una “astención crítica” y l’equipu de gobiernu municipal pudo sacar alantre los presupuestos. Con un empate a 12, tres el votu en contra de Ciudadanos, Foro, PP y VOX, hebo que dir a la segunda votación, na que s’impuso’l votu de calidá d l’alcaldesa.

Les perres de les que va disponer el Conceyu nel 2020 son 233 millones d’euros, 320 si se tien en cuenta’l presupuestu consolidáu. El proyeutu aprobáu va destinar 62 millones en gastu de personal, mentes qu’Urbanismu, Mantenimientu Urbanu y Rural lleva una partida de 52 millones (23 por cientu del total) y Educación, Cultura y Deportes, de 46,2 millones (20 por cientu).