'West Side Story', de SOM Produce

Dende la primer nota hasta'l suspiru últimu, 'West Side Story' ye ún de los musicales más importantes del teatru universal. La partitura a cargu de Leonard Bernstein y Stephen Sondheim ye unánimemente reconocida como una de les meyores na historia de los musicales, el testu d'Arthur Laurens sigue siendo tan conmovedor y actual como'l primer día, y les coreografíes orixinales de Jerome Robbins ocupen un llugar d'honor na lleenda del baille contemporaneu. De la so mano, la más grande historia d'amor toma les casi de Broadway pa convertirse nún de les obres fundamentales del teatru musical de tolos tiempos.

En 'West Side Story', Arthur Laurens transporta el 'Romeo y Julieta' de Shakespeare a la ciudá de New York, onde dos mozos namoraos vense atrapaos pol enfrentamientu ente dos bandes caleyeres, los Jets y los puertorriqueños Sharks. La so llucha por sobrevivir nun ambiente d'odiu, violencia y prexuicios tresfórmase nuna de les histories más emocionantes, desagarradores, guapes y relevantes del teatru musical.

Agora, producíu por SOM Produce y coincidiendo col centenariu de Leonard Bernstein, estrénase per primera vegada nel Estáu la versión orixinal completa cola qu'esti musical míticu debutó nel Winter Garden Theatre (Broadway, 1957).
Preciu: Anfiteatru, 47 €; palcos, fosu y patiu fileres 11-20, 59 €; y patiu 1-10, 65 € (10 por cientu de descuentu pa socios del Club Cultura Principáu d'Asturies)
Hora: 17h