La XLV Selmana de les Lletres Asturianes programa un actu na Biblioteca Xovellanos

Miembros de Conceyu Bable, coleutivu al que ta dedicada esta edición pol so cincuentenu aniversariu, van participar nun alderique.

Vicente García Oliva, Lluis Antón González, Amalia Trancho y Xuan Xosé Sánchez Vicente van facer recuerdu d'aquellos años na mesa redonda '50 aniversariu de Conceyu Bable: testigos del entamu'. Xunto a ellos, María Xosé Rodríguez López, que va encargase de la moderación.

L'actu va ser a les 19 hores nel salón d'actos de la Biblioteca Pública Xovellanos, con accesu llibre. Ésti ye l'únicu eventu que se desendolca en Xixón nesta edición de la XLV Selmana de les Lletres Asturianes.

Na imaxe, semeyes de carné de militantes de Conceyu Bable que formen parte de la esposición '50 aniversariu de Conceyu Bable. Esposición de materiales' que se pue visitar na uvieína Biblioteca d'Asturies.