Suspendióse l'actu conmemorativu del cincuentenu aniversariu del Pueblu d'Asturies

L'argumentu dau pol Conceyu de Xixón foi l'apaición d'un ñeru d'aviespa asiática, pero la oposición dulda de la so veracidá.

Xixón Sí Puede asegura que se dieron hasta cuatro argumentos dende la tarde del vienres pa xustificar la suspensión d'un actu al que l'alcadesa Carmen Moriyón nun diba a acudir p'asistir al LXXXII Descensu Internacional del Seya, lo qu'otros grupos calificaron de xestu eleutoralista. La primer edil, que dende un primer momentu punxo de tope al frente de l'alcaldía dos llexislatures, pretende liderar la candidatura de Foro a les Nacionales del añu qu'entra.

"La primera, razones ayenes al equipu de gobiernu; la segunda, razones téunicas; la tercera, por una indisposición d'una persona central nel actu, y la cuarta, por un ñeru d'aviespes. Toes y caúna d'elles demostráronse absolutamente falses, sobre manera la cuarta depués de que diferentes persones verificaren que'l ñeru d'aviespes fora llocalizáu depués de la hora na que taba prevista la celebración”, afirmó Mario Suárez de Fueyo, voceru de la candidatura de xunidá popular.

Los cuatro grupos na oposición esixen a Foro esplicaciones sobre los motivos reales de la suspensión de los actos nuna fecha tan importante pa la cultura asturiana como esti aniversariu del Muséu del Pueblu d'Asturies, asina como responsabilidaes polítiques.