"Muyeres" inaugura los V Alcuentros de Músiques Asturianes

Esti xueves 20 d’ochobre inaugúrense esti ciclu de conciertos que se desarrollarán nos centros municipales d’El Llano,  Pumarín Xixón-Sur y Atenéu La Calzada.

Les encargaes d’abrir estos alcuentros esti xueves 20 a les 19:00 hones nel CMI Pumarín-Xixón Sur son el colectivu “Muyeres”, integráu por muyeres procedentes de destacaos grupos d'investigación etnográfica pa convertise aína nuna de les aventures musicales más apasionantes de los últimos años.

El so espectáculu, País malva, ye un paisaxe sonoru basáu nes grabaciones etnográfiques de musicólogos del sieglu xx, música y voz qu'inclúi tamién testos de nueves escritores, con cuenta de revisar un pasáu entá recién que forma parte de la nuesa memoria. Una memoria fráxil que n'ocasiones escaez a les muyeres pero que vuelve a la lluz al traviés d'esti espectáculu con preseos cotidianos como sartenes o cuyares y con otros asociaos a homes como la gaita o l'arpa con una cuidada puesta n'escena.

Los otros grupos que participen nestos alcuentos son Salón bombé, Anabel Santiago Tríu, La Bandina’l Tombo, Herbamora y Les Barbares Barbus. Les actuaciones van celebrase nos meses d’ochobre y payares, según la programación que vien darréu:

Ochobre

• Muyeres. CMI Pumarín–Xixón Sur «José Gonzalo Fernández Mieres». Xueves 20 d’ochobre a les 19:00 h.
• Salón Bombé. CMI El Llano. Martes 25 d’ochobre a les 19.00 h.
• Anabel Santiago Tríu. CMI Atenéu La Calzada. Vienres 28 d’ochobre a les 19:30 h.

Payares

• La Bandina´l Tombo. CMI Atenéu La Calzada. Xueves 3 de payares a les 19:30 h.
• Anabel Santiago Tríu. CMI El Llano. Vienres 4 de payares a las les 19:30 h.
• Herbamora. CMI El Llano. Martes 8 de payares a lles 19:30 h.
• Salón Bombé. CMI Ateneo La Calzada. Xueves 10 de payares a les 19:30 h.
• Les Barbares Barbus. CMI Pumarín–Xixón Sur «José Gonzalo Fernández Mieres». Martes 15 de payares a les 19:30 h.