Ilesia de San Llorienzu

Concebida en clave historicista, la ilesia de San Llorienzu llevantase ente 1896 y 1901. El so autor, Luis Bellido y González (1869-1955), ye una de les figures asturianes más relevantes de l'arquitectura del pasu del sieglu XIX al XX.

La ilesia de San Llorienzu inspirase nel góticu baxumedieval español ya inclúi abondoses vidreres, oxives y pináculos, con planta de cruz llatina, mazcarada escontra l'esterior, y cabecera plana. La fachada con pórticu tradicional de gablete y rosetón central ta flanqueada por dos torres con arcos triforados y remataes por pináculos. Foi destruyida parcialmente en 1936.

Nel interior puede contemplase la escultura de la Virxe col Cristu resucitáu, obra del  artista asturianu Joaquín Rubio Camín.