Los Pendones del Reinu de Lleón en Xixón

Celebrando'l Día de Lleón n'Asturies unos 300 lleoneses desfilaron pel paséu del Muro llevando los sos estandartes tradicionales.

34 llocalidaes lleoneses traxeron los sos pendones con motivu de la celebración de les fiestes patronales de la Casa de Lleón n'Asturies, en honor a la Virgen del Camino y San Froilán.

Los Pendones del Reinu son una seña d'identidá del vieyu Reinu de Lleón. Tienen un orixen militar na edá media y col pasu de los años acabaron siendo un elementu representativu de los pueblos, usaos anguaño en procesiones, romeríes y otros actos identitarios.