Llevántase'l zarru perimetral de Xixón

La salida y entrada nel conceyu prohibióse del 24 d'ochobre al 3 d'avientu pola COVID-19.

El Gobiernu decidió ayeri nun executar la tercer prórroga del zarru perimetral de Xixón y la del restu de conceyos na que taba implantada esta midida pa controlar l'espardimientu del coronavirus SARS-CoV-2, polo que dende güei ta permitida la movilidá. Nesi sen, hai que recordar que sigue vixente'l pieslle, hasta avisu nuevu, la del país.

Cuando entró a valir esta restricción la incidencia acumulada en Xixón nos 14 díes previos yera de 353 casos cada 100.000 habitantes, que na primer ampliación yá xubía a los 756,9 y na segunda, establecida'l día 18, de 836,7. Los datos últimos, del martes, asítienla en 458,1.

Na semeya, control policial na AS-II mientres el zarru perimetral.