La estación intermodal torna al primer destín plantegáu, Moreda

A falta de concretar plazos, refúgase finalmente aprovechar Sanz Crespo.

L'alcaldesa Ana González Rodríguez anunció ayeri que la estación intermodal de Xixón va asitiase finalmente en Moreda. Esto ye, 20 años depués, llueu de baillar per dellos allugamientos como al altor del Muséu del Ferrocarril, onde s'aprobó según l'últimu conveniu, o onde l'actual en Sanz Crespo, torna a proyeutase nel primer llugar que se consideró.

El Ministeriu de Tresporte, Movilidá y Axenda Urbana unvió un estudiu baxo'l nome 'Moreda 2020' qu'apoya'l Conceyu y el Gobiernu d'Asturies y que pudieron conocer ayeri'l restu de representantes municipales en Xixón al Norte de cara al conseyu próximu de la sociedá nel qu'han de salir los plazos definitivos. Según esplicó la primer edil, la razón d'apostar otra vuelta por Moreda ye que la solución de reaprovechar la estación temporal actual nun acaba col problema de la playa de víes.