El borrador del Plan de Víes nuevu rebaxa’l preciu en 62 millones

El Conceyu presentó esti llunes na xunta de voceros el borrador del conveniu del Plan de Víes nuevu, que lleva de vuelta la estación intermodal a Moreda. El documentu cifra una rebaxa del preciu final en 62 millones d’euros, hasta los 437 millones, y caltién la obra del metrotrén hasta Cabueñes, presupuestada en 313 millones.

Esti documentu ye la base pa la negociación a trés partes ente Conceyu, el Gobiernu y l’Executivu estatal. Dexa pa prau’l conveniu anterior robláu nel 2019 pa llevantar la estación nel entornu del Muséu del Ferrocarril y abre un procesu nuevu que va allargar entá más una obra que yá va pa 20 años.

El cambiu d’ubicación lleva a una rebaxa de 62 millones d’euros, quedando presupuestada l’actuación en 437,51 millones, a los qu’hai que sumar los 313,66 del costu del metrotrén hasta Cabueñes. En total supón una inversión de 751,17 millones d’euros.

Sicasí, l’alcaldesa Ana González Rodríguez confirmó qu’entovía queda abierta la posibilidá del Muséu del Ferrocarril nel casu que l’estudiu informativu y el d’impautu ambiental pendientes recomienden tenelu en cuenta. La socialista, que confirmó l’ausencia de grandes torres nel solarón, insistió en que'l so oxetivu ye buscar lo meyor pa Xixón.

Otra manera, la falta de definición sobre la financiación del Plan de Víes nesti borrador xeneró les crítiques de la oposición.