IX va pidir la remunicipalización de tolos servicios públicos prestaos por empreses esternes

El plantegamientu de la iniciativa ye que “el conxuntu de les prestaciones de calter municipal se faigan al traviés d'una xestión pública; que se cree una nueva empresa municipal de servicios”.

El conceyal d'Izquierda Xunida (IX) Aurelio Martín presentó una iniciativa pa que'l gobiernu remunicipalice los servicios emprestaos por empreses esternes a midida que rematen los contratos o esistan posibilidaes de rescisión respetando los derechos llaborales de los trabayadores, anque reconoz dificultaes nel encaxe llegal. Sicasí, cola decisión del Conceyu de remunipalizar el serviciu d’ayuda a casa sedría lo xusto, yá que “nun puede ser remunicipalizar a unos trabayadores y a otros non”.

“IX defende que los servicios públicos emprestaos baxo modelos de xestión pública resulten más eficaces y de mayor calidá”, afirmó Martín, añediendo que “l'emplegu estable y calidable constitúi una de les principales diferencies al respeutive de la esternalización, lo que contribúi a un serviciu de mayor calidá”.