Foro apoya una propuesta de Xixón Sí Puede pa remunicipalizar el serviciu d'ayuda a casa

Énte la sorpresa del restu de grupos, Foro apoyó esti xueves una propuesta de Xixón Sí Puede pa remunicipalizar el serviciu d'ayuda a casa. PP y Ciudadanos votaron en contra, mentes que'l PSOE y IX astuviéronse amosando les sos duldes sobre la viabilidá de la midida.

El serviciu ta anguaño en manes de les empreses Eulen y Advase, que tienen contratu hasta'l 2017. La idea, defendida pola edil Nuria Rodríguez López, ye que vuelva a ser municipal tres la finalización del contratu, una midida que defenden les propies trabayadores, presentes nel Plenu d'ayeri.

Según espuso la conceyala de Xixón Sí Puede, la llei permite recuperar un serviciu esternalizáu siempre que nun supunxera una meyora llaboral a los trabayadores nin a los beneficiarios, amás de suponer un aforru nel pagu del IVA, que cifró nesti casu en cuatro milllones d'euros. Ana María Braña, conceyala de Facienda, Organización Municipal y Emplegu, vio posibilidá a esta propuesta y Foro dio'l preste col so votu.

El restu de formaciones, mentes, nun apoyaron la mesma al entender que nun tien viabilidá xurídica y que, inclusive, como apuntó'l PSOE, les trabayadores podíen perder el puestu de trabayu al tener que pasar supuestamente un esame.