Fernández Ardura resulta escoyíu pola militancia como secretariu xeneral del PSOE llocal

Nuna votación mui axustada, que se decidió namái por 27 papeletes, Iván Fernández Ardura resultó escoyíu como secretariu xeneral nuevu del PSOE llocal. Algamó'l 50,95 por cientu de los votos (399), por un 49,05 por cientu de José Ramón García 'Monchu' (372).

La militancia escoyó ayeri a Fernández Ardura como secretariu xeneral nuevu de l'Agrupación Municipal Socialista de Xixón, políticu indentificáu col ala del partíu que sofita a Adrián Barbón y defensor de la oficialidá del asturianu. La participación na votación foi del 59 por cientu, 18 puntos más que na anterior, y rexistráronse 8 votos en blancu y 28 nulos.

Fernández Ardura, qu'integró na so candidatura a los otros dos aspirantes, César González Herrerías y Dulce Gallego, sustitíu al frente del PSOE xixonés a José María Pérez López, que perdiera les primaries de la Federación Socialista Asturiana (FSA) con Barbón. El tamién voceru del grupu municipal socialista presidía dende febreru del 2016 la xestora llocal tres la dimisión de Santiago Martínez Argüelles.