El Telecable carició la remontada nuna eliminatoria emocionante

Peke, ex xugadora del equipu xixonés, anotó los cuatro primeros goles del Magic Studio Manlleu, que sufrió al final pa ganar 4-6.

Asturianes y catalanes ufrieron una eliminatoria emocionante nos cuartos de final de Copa que cayó finalmente pa les subcampeones de Lliga. Llueu d'una primer parte igualada que terminó con un 1-2, el Telecable Gijón Solimar viose superáu por un Manlleu lideráu por Peke, que, con un gran aciertu, anotó tamién los dos siguientes goles pa poner el 1-4 nel marcador.

Nara López marcaba darréu un 1-5 que paecía definitivu, pero un tantu de Natasha Lee y llueu dos siguíos de la propia Lee al tocar un disparu de Sara Lolo y, na xugada xiguiente, de María Sanjurjo, metíen el mieu nel cuerpu les catalanes. 4-5 y seis minutu per delantre.

Intentáronlo en tou momentu les de Fernando Sierra, qu'arriesgó nel minutu últimu quitando a la portera y atacando con cinco xugadores de campu. Pero salió cruz y, na contra, Nara López ponía'l definitu 4-6 que da'l pase a semifinales de Copa al Manlleu, onde-y espera'l Voltregà Stern-Motor.

Na semeya, la francesa Daribo marca'l primer gol del partíu de Telecable, qu'empataba'l partíu 1-1.