Enramáu de les fontes pa San Xuan

Enramáu de les fontes pa San Xuan

El 23 de xunu celébrase la Nueche de San Xuan. Esta festividá tien el so orixe na cultura celta y nella faise cultu al fueu y al agua, d'ehí qu'a los nuesos díes llegara l'enramáu de les fontes.

Alban Heruin yera'l son nome y en concreto celebraba'l solsticiu de branu, cuando’l sol ta nel so puntu más altu, pa pasar a descender nos meses próximos. Esta posición del sol fai qu’esta xornada sía la nueche más curtia del añu; el día con más lluz.

Anque'l solsticiu ye'l 20 de xunu, la Ilesia católica decidió adaptar la folixa a San Xuan Bautista, al igual que fixo con otres munches fiestes paganes, celebrándose poro'l 23 de xunu. Esti cambiu nun provocó que se siguiera faciendo cultu al fueu al traviés de la quema de fogueres, y al agua, col enramáu de fontes.

En Xixón ye tradición enramar la fonte de Pelayo, na plaza del Marqués, pero n'otros munchos llugares del conceyu tamién s'engalanen les fontes. Entiéndese l'agua como purificación, mui bien representada poles xanes, que, según la mitoloxía astur apaecen nesta nueche máxica, al igual de la flor d'agua colos primeros rayos del sol nel alborecer.

Na Semeya: Enramáu de la fonte de Pelayo nel añu 2017.
Contador Estadistiques