El Plenu refuga crear una tasa pa los dueños de perros

Xixón nun va siguir el camín de Zamora y nun va cobrar a los dueños de perros una tasa añal. El Plenu celebráu esti miércoles refugó la propuesta de Foro y aprobó, ente otros asuntos, una modificación presupuestaria de 1,3 millones pa entamar obres urxentes.

Namái Podemos-EQUO sofitó les midíes sobre mascotes presentaes pol partíu asturianu, que contaron cola oposición de PSOE, Xixón pela Izquierda, Ciudadanos y VOX, mentes que'l PP astúvose. La intención de Foro yera instaurar una tasa de 10 euros por perru, dalgo que yá esiste n'otres poblaciones del país, siendo la última en facelo Zamora, qu'a partir del añu qu'entra va cobrar 9 por can censáu.

El Plenu tamién aprobó una modificación presupuestaria de 1,3 obres pa entamar obres urxentes, sobre manera nos barrios. Otra manera, refugó una propuesta de VOX de dedicar una xornada festiva a Pelayo.