El Liberbank viaxa a Andalucía a por una Copa abierta a les sorpreses

El KH-7 Granollers va ser el primer rival de club de La Calzada n'Alhaurín de la Torre.

La situación actual pola pandemia, qu'afeuta la preparación de los equipos, dexa mui abierta la Copa d'esti añu, aplazada a feches de la temporada nueva. El Liberbank, ganador d'esta competición nel 2018, nun arrenuncia a nada.

La primer sorpresa yá llegó esta mañana, cola derrota del Super Amara Bera Bera, actual campeón y máximu favoritu, col Elche Visitelche.com por 24-28. La cita de les de La Calzada va ser a les 20.30 hores nun partíu que se va poder siguir en direuto per Teledeporte.

Esti partíu va servir como debut en partíu oficial a la téunica nueva del equipu, Cristina Cabeza, que nun va poder contar con Natalia Montilla por lesión, mentes que Marta Méndez viaxa a pesar de nun tar en condiciones de competir al cien por cien. Enfrente va tar el Granollers, sestu clasificáu la temporada pasada, dos puestos y seis puntos perbaxo de les xixoneses nuna competición que nun se pudo terminar.

Valladolid, en semifinales

Al Elche yá lu acompaña en semifinales l'Aula Alimentos Valladolid, que ganó al Atlético Guardés por 33-31. A les 18 hores va tener llugar l'enfrentamientu ente Rincón Fertilidad Málaga y Rocasa Gran Canaria, del que saldrá'l rival del Liberbank nel casu de clasificase.