Dropkick Murphys, novedá del cartelu del Tsunami del 2022

Cáense Sum 41, La Polla Records y The Hellacopters, y torna Airbourne.

Güei, día nel que debería celebrase la segunda xornada del Tsunami Xixón, la organización del festival que tien la Llaboral como llar avanzó'l cartelu de la edición del 2022, pal que valen les entraes mercaes pa la del 2020, primera en suspendese pola pandemia, y les d'esti añu. Dropckick Murphys, la banda punk de Boston de raigañu irlandés, va ser cabeza de cartelu xunto colos australianos Airbourne, confirmaos pal añu pasáu pero non pa ésti, y un grupu entá por anunciar.

Escuela de Odio y Desakato van poner temes n'asturianu nel festival, onde se caltienen otres bandes como Soziedad Alkoholika, Flogging Molly, Clutch, Circle Jerk, Frank Carter and the Rattlesnakes, Lagwagon o Anti-flag, y incorpórense otres nueves. De les más reconocíes, nun va tocar Red Fang, que va sustituyir Baboon Show.

Les feches del Tsunami Xixón 2022 son el 28, 29 y 30 de xunetu. Les entraes van salir a la venta llueu del plazu de devoluciones de la edición d'esti añu, que se va abrir el 2 d'agostu.