Amplíense les restricciones del nivel d'alerta 4+ hasta'l día 20

La incidencia a 14 díes yera de 571 nel momentu de decidir la prórroga.

La Conseyería de Salú estiende 14 díes más les restricciones al siguir Xixón en nivel d'alerta 4+. Éstes finaben el sábadu, pero van siguir el domingu hasta, al menos, el día 20.

Según espliquen les autoridaes, "la incidencia vien incrementádose de forma llixera y constante, siempre perriba de los guarismos que marquen el riesgu estremu". L'actualización última, con datos del miércoles, asitiaba la incidencia acumulada a 14 díes en 571 casos por cada 100.000 habitantes, inferior, sicasí, a la media nacional, que taba en 652.

Les midíes principales que siguen vixentes son el zarru perimetral del conceyu; el pieslle d’interiores na hostelería y de grandes superficies sacante alimentación; un máximu de 4 persones n’aconceyamientos, qu’en domicilios namái se permite ente convivientes; y prohibición de práutica deportiva en llugares baxo techu, cola esceición de federaos.