Scorpions incorpórase al cartelu del Tsunami, qu'aumenta nun día

La histórica banda alemana de hard rock torna a la ciudá 27 años depués de tocar nel Palaciu.

A pocos metros d'ellí, nel Parque Inglés (Hermanos Castro), al aire llibre, lo que'l públicu va agradecer no que supón d'aumentu de calidá del soníu, va tocar Scorpions, conciertu integráu nel Tsunami Xixón como un día estra, nuna organización conxunta col festival Gijón Life. Les persones con abonu al festival principal que s'entama na villa van poder asina acceder de baldre pa sentir cantares icónicos como 'Still Loving You' o 'Wind of Change'.

Anguaño tán a la venta a 69 euros, más 6,90 euros de 'gastos de xestión', llueu d'escosase en poco más de media hora'l tramu más baratu de 59 euros. Precisamente ésti ye'l preciu nel que yá tán a la venta les entraes pa ver a Scorpions el domingu 21 de xunetu del cola so xira 'Love At First Sting Tour' pol cuarentenu aniversariu del álbum.

Los dos díes previos van pasar pel recintu del Parque Inglés bandes como Bad Religion, Descendents, Alkaline Trio, Yungblud, Royal Blood o Catalina Grande Piñón Pequeño.

Robe y Estopa

Gijón Life tamién anunció dos conciertos pal 2024, con entraes tamién a la venta. El 12 de xunetu va tocar Robe, mentes que'l 3 d'agostu va facelo Estopa.

Na semeya, recintu del Tsunami na edición d'esti añu.