Un procesu participativu pa la recuperación del Llar de Ciares

El Conceyu quier conocer les opiniones de los coleutivos vecinales y de les entidaes venceyaes al barriu pa la ellaboración del plan d'usos.

La esperada rehabilitación del Llar de Ciares paez tar más cerca. Jesús Martínez Salvador, voceru del equipu de gobiernu, anunció que nos meses próximos va ponese en marcha un procesu participativu pa la recuperación del edificiu.

"Ye una midida que yá s'aprobó en Plenu y que l'anterior equipu de gobiernu nun llegó a executar nunca. Entendemos que Xixón nun se pue permitir l'abandonu d'esta infraestructura, más cuando en Ciares hai grupos de teatru, de baille y munches persones mayores que necesitan d'un espaciu pa desenvolver les sos actividaes", espresó'l conceyal de Foro. Pela so parte, el conceyal de Participación, Atención a la Ciudadanía, Mercaos y Consumu, Distritos, Cooperación al Desarrollu y Inmigración, el popular Guzmán Pendás, apuntó que "el plan d'usos de la Casa del Productor ha tener en cuenta la opinión de los que serán los sos usuarios. Ye cuestión de lóxica".