La soberanía dixital o una noticia falsa na Gran Guerra, dalgunos de los temes de 'Xixón Fala en 3'

Ún de Grao va poner música al concursu.

La esperada cuarta edición de 'Xixón Fala en 3' yá ta equí. Mañana a les 11 hores va celebrase, nel salón d'actos del Antiguu Institutu con entrada llibre, esta cita que busca fomentar l’emplegu del asturianu pa tratar cualquier tipu de temática.

Asina, según adelantó la organización, los asistentes van poder sentir falar de l'actriz Pili Ibaseta, de la industria cultural y creativa n'asturianu, del puru teatru del Sporting, de los usos terapéuticos de la hipnosis newtoniano, d'Hispania y la reconquista, de soberanía dixital, de la hestoria d'una noticia falsa na Gran guerra o d'autores llatines de lliteratura xuvenil na era Trump. El ganador en cáuna de les dos categoríes que finalmente se van celebrar, cultura y tradición asturiana y divulgación xeneral, va recibir 600 euros, mentes que los segundos y terceros lleven 275 y 125, de manera respeutiva.

Como novedá, l'eventu va contar con una actuación musical mientres el xuráu decide los vencedores. Ún de Grao va ser l'encargáu d'animar un concursu que da muncho que falar.

Na imaxe, Xandru Armestu, últimu ganador de la categoría de divulgación xeneral, la que tien más apuntaos nesta edición, recibe'l premiu de ganador por ‘Actuaciones educatives d’éxitu’.