Floro va ser el candidatu del PSOE a l’Alcaldía

L’independiente Luis Manuel Flórez ‘Floro’ va ser el candidatu del PSOE nes eleiciones de mayu llueu de ganar les primaries a Ana Puerto por una diferencia amplia. El partíu qu’encabeza agora’l gobiernu municipal espera caltener l’Alcaldía cola convocatoria d'esta consulta pola militancia que llevó a l’alcaldesa Ana González Rodríguez a apartase.

Un 75 por cientu de les persones incluyíes nel censu acudieron a votar ayeri na Casa del Pueblu, un total de 897 afiliaos. El 56,19 por cientu, 504 persones, sofitó la opción de Floro, mentes qu’un 42,36 por cientu fíxolo cola de Puerto, 380, con 3 votos en blanco.

Llueu del recuentu, un emocionáu Floro, mui conocíu al ser fundador de Proyeuto Hombre, dio unes pallabres a los presentes. Llamó a construyir una ciudá “con corazón d’aceru” pa consiguir “que naide quede atrás”, un Xixón “igualitariu y inclusivu”, y agradeció l’apoyu recibíu.