Jazz Xixón: Bombará!

Bombará! Avera al Festival de Jazz Xixón estes 'Coisas do Brasil', un percorríu pela música brasileña, dende l'entamu de la bossa nova hasta los nuesos díes, que ye un sentíu homenaxe a los compositores principales d'esta música qu'ambientó otros tiempos y que sigue agora illuminando ésti de nueso, col so particular mezcla de señardá, amor, guapura y allegría. ¡Como la vida mesma!

“Bombará!”, espresión de gayola, admiración y complicidá que Tom Jobim esclamó como respuesta a la propuesta d'Edu Lobo de tocar xuntos ún de los sos propios temes, 'Luiza', y qu'agora tomen prestada Helios Amor, Cris Montull , Horacio García y Manu Molina pa dar nome a una formación feliz, de collacios de siempre y de verdá. Son cómplices na vida y na so pasión pola música, y s'alcuentren y realncuentren al rodiu a un proyeutu común nuevu, que se lleva preparando na solombra unos cuatro años.

La banda ta formada por Helios Amor (voz), Cristina Montull (pianu), Horacio García (contrabaxu), Manu Molina (batería) y Carlos Pizarro (guitarra), y cuenta cola collaboración d'Isabel Muñiz (voz), Alba García (flauta), Eladio Díaz (saxofón) y Aitor Herrero (flügelhorn).

Hora: 19.30h

Preciu: 12 €