El Muséu Piñole y el Casa Natal de Xovellanos reabren les sos puertes

La primer instalación failo con una esposición dedicada a la cartelería turística.

La Rede Municipal de Museos sigue recuperando la so actividá. Güei abrieron les sos puertes los dos dedicaos a les belles artes, mentes que sigue a la espera'l de les Termes Romanes de Campu Valdés, el del Ferrocarril d’Asturies, el de la Ciudadela de Celestino Solar y les sales d’esposiciones del Centru de Cultura Antiguu Institutu

El Muséu Nicanor Piñole y el Muséu Casa Natal de Xovellanos, poro, yá reciben visitantes, anque con restricciones d'aforu. Amás, l'asitiáu nel antiguu Asilo Pola acueye na so reapertura la esposición 'Asturies, guapura categórica', con 14 cartelos de promoción turística firmaos por artistes como Joaquín Vaquero, Mariano Moré, Alfonso, Teodoro Delgado o Juan Gomila que pertenecen al fondu del Muséu del Pueblu d'Asturies.

L'amuesa va poder visitase hasta'l 9 de setiembre y la entrada ye de baldre, al igual que pa contemplar la coleición permanente del Piñole y del Casa Natal de Xovellanos. L'horariu de los dos museos ye de 9.30 a 14 y de 17 a 19.30 hores, de martes a vienres; y de 10 a 14 y de 17 a 19.30 hores, sábado y domingos.

Na semeya, el Piñole.