La ORA actívase, asina como'l pagu nos autobuses

La entrada na fase 1 de la desescalada fai que la ciudá torne poco a poco a retomar el ritmu.

El serviciu de pagu por estacionamientu nes zones marcaes, la ORA, activóse güei, anque'l Conceyu va dexar estes dos primeres xornaes pa informar a los ciudadanos tres haber problemes cola aplicación y nun contar dellos parquímetros con enerxía. Poro, los controladores nun van poner multes hasta'l llunes.

Onde sí yá hai que pagar ye nos autobuses municipales, cola recomendación de facelo coles tarxetes de tresporte, la ciudadana o la del CTA y opción d'emplegar perres namái si s'entrega la cantidá esauta (1,25 euros). Los viaxeros han de llevar mázcaru de manera obligatoria pa xubir al vehículu y preferiblemente sentase nos asientos pegaos a la ventana.