El Conceyu retira’l pagu de la ORA y de delles tases p’amenorgar l’impautu económicu pol coronavirus

La pandemia del COVID-19 y les midíes tomaes pa frenar l’espardimientu del coronavirus que la provoca tan llevando a munches persones y negocios a una situación complicada no económico. P’amenorgar el so impautu’l Conceyu decidió supender el pagu de la ORA, del IBI diferenciáu y de delles tases.

Asina, dende ayeri y hasta que pasa l’estáu d’alarma, nun hai qu’abonar por estacionar nes zones d’aparcamientu reguláu. Mentes, los comercios que deben pagar l’IBI diferenciáu, tamién conocíu como ‘IBI pa ricos’ por aplicase a propiedaes con un valor catastral superior al millón d’euros destinaes a usos empresariales, van tar exentos de facelo nesti periodu.

Queda suspensa d’igual forma’l pagu de les tases del agua, alcantarelláu, basura o la instalación de terraces. Estes midíes súmense a otres aprobaes previamente como la gratuidá de los autobuses municipales.