Cuatro médicos van reforciar los centros de salú énte la falta de profesionales

Dos van ser contrataos esti mesmu mes.

Begoña Martínez Argüelles, xerente del área sanitaria V, na que ta incluyíu Xixón, confirmó ayeri que cuatro médicos de familia van reforciar a los centros de salú de la zona. D'esta forma l'Alministración pretende minimizar los problemes que se tán viviendo anguaño pola falta de profesionales.

Estos cuatro médicos van facer llabores d'apoyu, incorporándose dos esti mesmu mes y los restantes, nel siguiente. Esta información diose a conocer tres un conceyu con representantes de la Federación d'Asociaciones Vecinales de Xixón (FAV) nel Hospital de Cabueñes, que venía denunciando la situación llaceriosa que se taba produciendo nos centros de salú del conceyu esti branu.

Na semeya, centru de salú de Laviada.