The Offspring abre'l Tsunami de NOFX y Kaiser Chiefs

El festival enfoncáu al punk y al rock celebra la so tercer edición nel recintu de la Llaboral.

Con tolos abonos escosaos –namái queden entraes d'un día–, el Tsunami Xixón comienza güei cola so fola de decibelios. Los estauxunidenses The Offspring repiten depués de la esperiencia d'hai dos años, mentes que mañana van encargase de zarrar el certame los ingleses Kaiser Chiefs y los tamién californianos NOFX.

Los conciertos nel escenariu principal d'esta tarde van protagonizalos Satanics Surfers (16 hores), The Baboon Show (17.30 hores), Carolina Durante (19.05 hores), Pulley (20.55 hores), Danko Jones (22.45 hores) y The Offspring (00.35 hores), mentes que nel escenariu pequeñu, qu'acueye actuaciones ente grupu y grupu, destaquen Toundra (21.50 hores) y Bastards on Parade (23.45 hores). Mañana van abrir los conciertos False Heads (16.40 hores), pa siguir con No Fun at All (18.05 hores), La Maravillosa Orquesta del Alcohol (19.35 hores), Berri Txarrak (21.20 hores), Kaiser Chiefs (23.10 hores) y NOFX (01.15 hores), cola posibilidá de disfrutar tamién d'El Altar del Holocausto (20.35 hores) o Los Bengala (00.25 hores).

Amás, va haber actuaciones de baldre a les 13 hores nel skatepark de Cimavilla, güei, y na Plaza Mayor, mañana.