Xixón entrega les sos distinciones coincidiendo cola festividá de San Pedro

Esti sábadu, 29 de xunu, celébrase la festividá de San Pedro, patrón de Xixón y fiesta llocal. El Conceyu, coincidiendo con esta fecha, entrega les sos distinciones, destacando la medaya d’oru pal Hospital de Cabueñes y el títulu de Fíu Predileutu de Xixón al ex alcalde socialista Vicente Álvarez Areces, fináu nel mes de xineru.

Coincidiendo col so cincuenta aniversariu l’Ayuntamientu quier poner en valor al centru hospitalariu col so reconocimientu máximu. Amás, entrega les sos medayes de plata a Luis Manuel Flórez ‘Floro’, la Unión de Comerciantes, XEGA, Luis Miguel Piñera y les representantes vecinales Tita Caravera y Soledad Lafuente.

Mientres, l’ex alcalde de Xixón va convertise na decimocuarta persona en recibir el títulu de Fíu Predilectu de Xixón, siendo l’últimu en tener dicho honor Santiago Carrillo, nel 2010. Otra manera, la primer edil actual, la socialista Ana González, anunció que nun va participar na bendición de les agües en San Pedro como sí facíen los sos antecesores.