Torna’l grupu de conversación n’asturianu al CMX
|
15 Febreru, 2018 por Redacción
El Conseyu de Mocedá de Xixón (CMX), en collaboración con Iniciativa pol Asturianu, va recuperar a partir del martes 20 de febreru’l grupu de conversación informal d’asturianu na so programación d’actividaes.
El presidente del Conseyu, Álvaro Granda, ve positiva la recuperación del grupu d’asturianu, estimando a Iniciativa pol Asturianu el so compromisu y destacando que ‘frente a los ataques inxustificaos que ta sufriendo la llingua, paeznos necesariu potenciar ya impulsar actividaes rellacionaes cola promoción del asturianu, especialmente enfocaes pa la xente mozo’.
La participación nos grupos ye gratuita y nun ye necesariu inscribise primeramente. L’actividá desenvolveráse, tolos martes de 19:00 a 20:30 hores, nes instalaciones del Conseyu na Avenida Manuel Llaneza, 68.
