La playa de Pando sigue ensin baños públicos en plenu agostu

Xixón Sí Puede critica la falta de baños públicos na sablera de Pando pese a tar en plenu mes d’agostu. Nun comunicáu llamenta que nun se colocaren nin unos provisionales, pese a que taba previsto emplegar unos asemeyaos a los de la ‘Semana Negra’.

“Empieza el mes d’agostu y la playa de Poniente sigue ensin disponer d’unos aseos públicos, una propuesta plenaria del grupo municipal aprobada por unanimidá en febrero del 2016”, recuerda. La candidatura de xunidá popular esixe al gobiernu municipal la instalación d’unos baños provisionales, como se fixo’l branu pasáu y taba anunciáu, énte’l retrasu que tienen les obres nel edificiu de Salvamentu, entovía en fase de licitación.

Otra manera, destaca que’l serviciu accesible de la sablera d’El Natahoyo pa persones con movilidá reducida yá dispón d’agua caliente nos vestuarios, una reivindicación del grupu municipal de Xixón Sí Puede. “Allegrámonos de que, anque fora un año depués, finalmente’l servicio accesible cuente con agua caliente pa garantizar que tol mundo pueda disfrutar de les nueses sableres nunes condiciones afayadices”, apunten dende la organización.