El Velcro

Pioneru y animador de les nueves tendencies de poesía oral n'Asturies cola creación de les Timbes Poétikes nel añu 2009 y la organización de les cinco ediciones del festival underground Sacavera Sound, Pablo X. Suárez (Samartindianes, 1981) enrédase n'El Velcro col productor y multiinstrumentista Dudu García (Xixón, 1983) pa crear un proyectu estable con músiques orixinales qu'arropen los versos de punta afilada de la so obra reciente. Garrando como filu conductor l'últimu poemariu de Suárez, 'Little Babilonia', col qu'algamó'l Premiu XXXIII Xuan María Acebal, la poética d'El Velcro fai adientrase dende l'empiezu al espectador nun mundu onde la imaxe surrealista concasa con un costumismu contemporaneu onde les contradicciones dicómiques –lo local y lo global, el ruralismu y urbanidá, lo paisano y lo neopaisano...– s'esfumen.
Hora: 14h