'Abre el ojo', de Noviembre Teatro

Don Clemente vive en mediu d'un triángulu amorosu ensin decidise ente una viuda llamada Hipólita, una despechada doña Beatriz y doña Clara, anque hai que dicir qu'esta última ta nuna situación asemeyada, con otros trés caballeros: el citáu galán don Clemente, un charrán insoportable al que llamen Don Julián de la Mata y don Juan Martínez Caniego, rexidor d'Almagro y como se suel dicir en castellanu “más bruto que un arado”. Cartilla y Marichispa, los criaos, tratarán con un ésitu relativu que los sos respeutivos amos consigan el so propósitu, pero entetanto se xenera una especie de vodevil de lluches escéniques, amantes escondíos, engaños insólitos y mudances énte la insistente persecución de la xusticia.

Autor: Rojas Zorrilla.

Versión y direición: Eduardo Vasco.

Intérpretes: Rafael Ortíz, Elena Rayos, Alberto Gómez Taboada, Manuel Pico, Jesús Calvo, Celia Pérez, Mar Calvo, Anna Nácher y Daniel Santos.
Hora: 20.30h