Xixón va contar con parquímetros nuevos

|
Xixón va contar con parquímetros nuevos

La Empresa Mesta de Tráficu de Xixón va siguir diez años más xestionando la ORA.

Los 230 parquímetros esistentes na ciudá van ser sustituyíos p'adaptase a la futura zonificación nueva. Éstos van permitir el pagu con tarxeta de creitu y va contar con un tecláu nel que se va tener que marcar la matrícula del vehículu.

Ente los planes pa los dos años próximos de la empresa participada pol Conceyu nun 60 por cientu ta tamién l'emplegu de cinco coches equipaos con cámares de reconocimientu de matrícules que nun van tener función sancionable, sinón que van usase pa la realización d'estudios d'ocupación de places. Los datos que recopilen van poder utilizase pa conocer los sitios disponibles en tiempu real al traviés d'una aplicación pa dispositivos móviles y d'ocho panales informativos colocaos en dellos puntos de la ciudá.

El conceyal de Seguridá Ciudadana, Esteban Aparicio, aseguró que les zones de la ORA nun se van ampliar nun plazu curtiu. Tolos cambios tán previstos pa comienzos d'añu.

Contador Estadistiques