Xixón sofita la oficialidá del asturianu

Nel Plenu del Conceyu de Xixón d'esti mes de payares foi aprobada por mayoría la propuesta de sofitu a la oficialidá del asturianu presentada por Xixón Sí Puede y IU Xixón.

Esta propuesta foi presentada por y conto colos sos votos y los de Foro Asturias Gijon, Psoe de Gijón., Xixón Sí Puede y IU Xixón. El PSOE sumóse a la propuesta al ser almitida la so enmienda pa indicar namás na propuesta que ye'l momentu d'avanzar na oficialidá. Votaron en contra Partido Popular de Gijon y Cs Gijón.

Xixón Sí Puede y IX pautaron col PSOE l’apoyu a la so proposición de sofitu al asturianu retirando la esixencia d’instar a la Xunta Xeneral a una reforma del Estatutu nesta llexislatura. Asina, el Plenu aprobó avanzar hacia la oficialidá ensin un calendariu establecíu col apoyu tamién de Foro y la oposición del PP y Ciudadanos.

Tres una intervención de Xosé Antón González Riaño, presidente de l’Academia de la Llingua Asturiana, convidáu pa la ocasión, comenzó l’alderique sobre la proposición, nel que’l PSOE apuntó que nun tenía compromisu nengún pa establecer un calendariu p’algamar la oficialidá y propunxo apoyala si se retiraba la demanda de reformar yá l’Estatutu y se votaba namái l’avanzar hacia la oficialidá. Enantes, presentara una enmienda pa encarar la reforma del Estatutu depués del de la Constitución, dalgo que Xixón Sí Puede y IX refugaron.

Sicasí, la segunda sí tuvo, tres un recesu, ecu nos dos partíos d’izquierda cola ida d’algamar “un máximu consensu” alredor del idioma. Namái’l Partido Popular (PP) y Ciudadanos nun apoyaron la propuesta.