Xixon Sí Puede presenta semeyes del túnel del metrotrén inundáu

“Les instalaciones del nuesu queríu Ministeriu de Fomentu carecen de mantenimiento y tán inundaes dafechu”, esplicó David Alonso, conceyal de Xixón Sí Puede, tres mostrar unes semeyes nes que l'agua llega al altor la cintura. Afirmó qu'hai zones onde llega a cubrir cuatro metros.

El responsable d'Urbanismu y Medio Ambiente de la candidatura de xunidá popular apuntó como "llamentable comprobar que tenemos 138 millones d'euros enterraos baxo l'agua", y citó otros exemplos d'obres de costu importante ensin usu como la regasificadora, la depuradora, la ZALIA, el plan de víes y el túnel del plan de víes. "Ye pa facelo mirar”, añadió.

La entruga que se fai'l grupu municipal ye ónde tán les perres que se destinen al mantenimienu, cantidá qu'algama los100.000 euros. "Pue que los 138 millones invertidos yá no sirvan de nada, pero ensin mantenimientu de xuru que yá nun van servir”, aseguró Alonso, que mañana va presentar delles suxerencies de midíes pa la instalación énte'l silenciu d'Adif, encargada de la xestión del túnel.