Xixón illumínase pa celebrar la Navidá

Esti vienres arranca la Navidá en Xixón col prendíu de la illuminación navidiega y l’apertura de MeNaX, el mercáu que s’instala tolos años nel paséu de Begoña. Son más de 1.000 los arcos y figures instalaes nesta ocasión, ente les que rescampla la d’El Parchís na que se pue lleer Xixón en grande y la enorme estrella fugaz d’El Náutico.

A les 18 hores de mañana na programada la inauguración de les lluces con un actu na Plaza Mayor nel que va actuar el Coro Joven de Gijón. Van dar colororíu les tardes-nueche de la villa hasta depués de Reis, con un horariu más curtiu qu’otros años: de 18 a 20.30 hores, que s’allarguen hasta la 1 los vienres, sábados, festivos y viéspores.

Yá nun ta’l gran árbol n’El Naútico, que cambia por una gran estrella fugaz de 22 metros de llargor y 10 d’altor que promete ser el gran atractivu de les fiestes. Nel solarón, mentes, va haber les actividaes habituales de patinaxe y tobogán.

Mañana tamién va abrir les sos puertes el Mercáu Navidiegu de Xixón (MeNaX) en Begoña, que va permanecer activu hasta’l día 8. En total va haber 24 puestos con tou tipu de productos.