Xixón aprovecha'l sol na primer xornada de la desescalada

El bon día animó a la xente a salir dende primera hora de la mañana aprovechando les nueves condiciones del estáu d'alarma.

Nesti videu vese una panorámica de la playa de San Llorienzu y el Muro a les 9 de la mañana, momentu nel que podíen salir a la cai les persones con edaes ente los 14 y los 69 años a pasiar o facer deporte. De 10 a 12 yera'l turnu pa los mayores, pa llueu dar pasu a los menores acompañaos d'un adultu hasta les 19 hores.

La siguiente franxa, hasta les 20 hores, tornaba a ser pa la xente de más edá, abriéndose a les 20, hasta les 23 hores, la de deportistes y persones de 14 a 69 años. El llunes va principar la fase 0 del procesu de desescalada, que se va allargar hasta'l llunes 11 de mayu, momentu nel que los llugares que lleven una bona evolución podrán pasar a la siguiente fase, más flexible.