Una Ciudad para Todos, Medaya d'Oru de la villa

El Conceyu decidió en San Pedro les distinciones y honores d'esti añu 2020.

El proyeuto social ‘Una Ciudad para todos’ va recibir la Medaya d'Oru de Xixón en reconocimientu al so cuasi mediu sieglu de trabayu constante a favor de la integración social de coleutivos y persones. Nacida nel 1971 pa desaniciar el chabolismu, nel 1985, una vegada algamáu'l so oxetivu inicial, punxo'l focu na discapacidá.

Les medayes de Plata son pal periodista José Antonio Rodríguez Canal, el balonmanista Raúl Entrerríos y l'Asociación ADANSI. Mentes, l'escritor chilenu Luis Sepúlveda recibe'l reconocimientu de Fíu Adoptivu de Xixón y l'abogáu Francisco Prendes Quirós el de Fíu Predilectu, dambos a títulu póstumu.

La gala d'entrega de los reconocimientos nel Teatru Xovellanos retrásase a la seronda pola crisis sanitaria pola pandemia de COVID-19.

Na semeya, Xunta de Voceros na que se decidieron los reconocimientos.