Un rival conocíu espera al Motive.co en cuartos de la EHF European Cup

|
Motive.co 35-24 Házená Kynžvart (15 de xineru del 2023)

El sortéu crució a les de La Calzada col Atticgo Balonmano Elche, cola vuelta en casa.

Un rival complicáu, pero un desplazamientu cenciellu. El Motive.co evitó a los dos equipos turcos y otros llonxanos como'l Madeira portugués o'l Jaroslaw polacu y nun va tener que facer hores d'avión.

Va ser l'equipu de la Comunitat Valenciana la piedra de toque de les de Cristina Cabeza nos cuartos de final de la EHF European Cup, equipu col que perdieron el 28 d'avientu por 21-22 pero qu'ocupa una posición asemeyada na tabla. La ida va xugase la fin del selmana del 12 de febreru n'Elx y la vuelta ochos díes depués nel Palaciu de Deportes.

El restu d'eliminatories empareyó al Madeira col Atlético Guardés, al Iuventa eslovacu col Jaroslaw y a los turcos Antalya Konyaalti y Izmir. El Motive.co llega a esta llueu de superar al Házená Kynžvart checu por 35-24 el domingu y nel casu de ganar xugaría en semifinales col equipu portugés o gallegu, col primer partíu en casa.

Contador Estadistiques