Un esbarrumbu nel San Vicente provoca la muerte de dos trabayadores

Un techu cayó mientres unes obres nel colexu asitiáu frente a La Playa San Llorienzo.

La traxedia tomó Xixón nun día tan señaláu como la viéspora de Reis. Al rodiu les 11.30 hores esbarrumbaba'l techu d'una estancia del pisu superior del edificiu del San Vicente afeutando a los cuatro trabayadores que taben con una obra menor.

Dos d'ellos resultaron firíos y los bomberos pudieron sacalos del llugar, pero otros dos nun apaecíen, lo que fixo pensar no peor. Hores depués llocalizáronse los cuerpos ensin vida d'estos dos obreros, naturales de Mieres, d'unos 40 años y con A.V.D. y D.V. como iniciales.

Les autoridaes averáronse al llugar del accidente, ente ellos el presidente Adrián Barbón y la conseyera d'Educación Lydia Espina.