Suárez del Fueyo fala de la esistencia de dos Asturies, "la del covadonguismu ranciu y la real"

|
Suárez del Fueyo fala de la esistencia de dos Asturies, "la del covadonguismu ranciu y la real"

El secretariu xeneral de Podemos Xixón y voceru de Xixón Sí Puede, Mario Suárez del Fueyo, faló de la esistencia de dos Asturies, "la del covadonguismu ranciu y la real". Foi na Folixa Popular celebrada nel Solarón, onde tamién intervino Yolanda Huergo y Daniel Ripa.

“Güei, 8 de setiembre, vemos de manera nidia qu’hai dos Asturies. La del covadonguismu ranciu, la que s’envuelve nel mantu de la virxe y de la monarquía pa caltener los sos privilexos y la visión más reaicionaria de la cultura, qu’al empar amiesta instituciones con relixón, siempre pa beneficio d’ésta última; y l’Asturies real, representada equí pero entovía insuficiente p’abrir esi cambiu políticu, cultural y social”, aseguró. D'igual forma, nel so discursu tamién criticó'l casu 'Enredareda', la situación del Plan de Víes aprovechando'l llugar onde s'instaló la carpa de la fiesta, enllena de xente, y de la Casa Sindical.

Xunto a él, la conseyera ciudada de Podemos Xixón Huergo y el secretariu xeneral de Podemos Ripa, intervinieron como convidaos Iñigo Errejón, diputáu de Xuníos Podemos; Noelia Vera, covocera de Xuníos Podemos nel Congresu; Xulio Ferreiro, alcalde d’A Coruña; y la francesa Martine Billard, ex copresidenta del Parti de Gauche y coordinadora d’Ecoloxía de La France Insoumise. Ripa aseguro que "n’Asturies vamos asegurar mui pronto nel Estatutu la oficialidá de la llingua".

Semeya obra de Daniel López.

Contador Estadistiques