Semeyes del castru de la Campa Torres

Inaguramos la sección de Galeries con un reportaxe fotográficu sobre'l castru de la Campa Torres.

Al oeste de la villa de Xixón tenemos el cabu Torres, ellí alcontramos los restos del xacimientu arqueolóxicu d’un castru onde vivíen los cilúrnigos, tribu ástur dedicada a la metalurxa.  Según delles fontes clásiques el so nome yera Noega y dempués de la ocupación romana los sos pobladores fueron abandonándolu y tresladándose a lo que güei ye Cimavilla.

Na campa  tenemos anguañu'l Parque Arqueolóxicu y Natural Campa Torres onde amás del xacimientu arqueolóxicu  tenemos un muséu construyíu nun antiguu búnker fechu mientres la Guerra Civil española.