Rodrigo Cuevas estrena espectáculu na Llaboral

Lleva'l nome de 'El mundo por montera'.

Cuevas escoyó Xixón pa la estrena del so nuevu espectáculu, del que yá tien zarráu feches en ciudaes de la tola metá norte peninsular. Ésti lleva'l nome de 'El mundo por montera' y va caltener el so formatu cabaré nel que tien un pesu importante'l folclor y la música popular, nun amiestu de modernidá y tradición. L'actuación del artista uvieín va tener llugar mañana, de magar les 20.30 hores, nel Teatru de la Llaboral.

'El mundu por montera' ye'l segundu espectáculu en solitariu de Rodrigo Cuevas. Un nuevu show nel que l'artista sigue dexando conocer el so universu: un mundu tradicional, rural, alloriáu, pero tamién urbanu, críticu y tecnolóxicu. Una llamada d'atención sarcástica en formatu de 'zarzuela bufa'. Un espectáculu onde hai más folclor, más música popular y más risada, tou ello enfiláu con calidá musical y vocal.

El preciu pa presenciar l'espectáculu que sustitúi al esitosu 'ElectroCuplé', onde'l so 'Ritmu de Verdiciu' yera'l tema estrella, ye 10 euros anticipada y de 12, na puerta.